HB vann enn einaferð, eina sera væl eydnaða VFF Cup kapping, og ikki minst ein góðan fótbóltsdag leygardagin í Gundandali. Í ársins útgávu av kappingini, blivu heili 29 av 30 dystum leiktir, hetta hóast veðrið ikki altíð hevur verði til vildar. Men við góða hugburinum hjá feløgum, venjarum og dómarum, hevur tað verði møguligt, at skipa og umskipa seg eftir veðrinum.

Dagsins finala stóð millum HB og Víking, sum bæði høvdu gjørt reint borð í teimum innleiðandi 5 umførunum. Sjálv finalan var væl leikt, HB hevði bóltin mest, serliga í fyrra hálvleiki og hevði eisini flest málroyndir. Eftir vanliga leiktíð stóð á jøvnum 2-2, eftir at HB hevði verði á odda 2-0, við málum frá afturvenda Mikkel Dahl og Adrian Justinusen. Olaf Bárðarson minkaði um munin beint fyri hálvleik og í seinna javnaði Andreas Lava Olsen til 2-2, sum eisni var endaliga úrslitið.

Tí var neyðugt við brotssparkskapping og her dró HB longra stráið, og vann 4-2. Við heiðrinum fylgir eisini eitt gávukort, frá Bowlinghøllini á hálsi á 10.000 kr.

Samanumtikið ein sera hendingaríkur dagur, við nógvum góðum fótbólti, serliga tá ið hugsa verður um árstíðina.

Venjarafelagið takkar øllum feløgum fyri luttøkuna og HB hjartaliga til lukku við sigrinum.

Vit síggjast í 2024

Finalan

HB-Víkingur 2-2

1-0: Mikkel Dahl 

2-0: Adrian Justinussen 

2-1: Olaf Bárðarson 

2-2: Andreas L. Olsen 

Hini úrslitini:

07 Vestur-NSÍ 2-1 (Janus Samuelsen, Albert Theis Nielsen – Aron Høj)

ÍF-EB/Streymur 0-3 (Gutti Dahl-Olsen, Tóki Johannesen og Markus Hellisdal)

B68-AB 3-0 (Aidan Liu, Villiam Klein og Áki Johannesen)

KÍ-B36 4-0 (Luc Kassi (2), Jákup B. Andreasen og Árni Frederiksberg)