Hóast føroyska ferðalagið hevur rakt ringasta summarið í Brasil í eitt mannaminni, so er lagið gott og okkurt er fingið av skafti. 

Ferðalagið hevur vitjað í hjartanum hjá brasilska fótbóltssambandinum, hjá Botafogo, hjá Flamengo og hjá Fluminense. Allastaðni eru vit móttiknir við opnum ørmum, allar dyr hava staðið opnar og blíðskapurin hevur verið avbera góður. 

Ongin ivi er um, at futsal er grundarlagið undir bóltførleikanum, fótbóltsspælið er skipað heilt niður í yngstu deildirnar, har nógvir venjarar eru virknir í venjingini og feløgini leggja dent á at hava skikkaðar, útbúnar venjarar. 

Vit hava sæð fleiri dystir: Fluminense ímóti Boavista 0-1, Botafogo ímóti Vasco da Gama 1-0, Fluminense ímóti Union La Calera 1-1, og venjingardyst millum brasilska U20 kvinnulandsliðið ímóti besta kvinnuliðnum hjá Botafogo, sum endaði 2-0 til Brasil. 

Tað hevur verið smátt við frítíð, men pláss hevur verið fyri einum dysti í strandarfótbólti og har vunnið teir yngru sera sannførandi 4-1.

Fluminense hevur lagt út um ferðalagið. Hygg her

Har stendur: "Venjarar frá høvuðsfeløgunum í Føroyum komu til Brasil fyri at vitja fótbóltsskúlan hjá Fluminense í Xerém fyri at læra eitt lítið sindur meira um menningina av ungum Fluminense leikarum."