bolt.fo skrivar:

Nú hava tríggir føroyingar UEFA PRO-lisens útbúgvingina.

Norska fótbóltssambandið skrivar í dag, at KÍ-venjarin Mikkjal K. Thomassen sum ein av 18 venjarum hetta vikuskiftið hevur fullført UEFA PRO-lisens útbúgvingina. Hetta er hæsta venjaraútbúgvingin í fótbólti, og kann hon ikki takast í Føroyum.

Frammanundan hava Jógvan Martin Olsen og Bill M. Jacobsen tikið hesa útbúgvingina. Nú eru sostatt tríggir føroyingar, sum hava hægstu venjaraútbúgvingina.

Venjarafelag Føroya ynskir Mikkjal K. Thomassen tilllukku!

Mynd: Oliver Joensen/nordlysid.fo